III раённы фестываль славянскай творчасці “Сяброўства без межаў” Кожны год, у пачатку кастрычніка, напярэдадні прафесійнага свята людзей самай творчай прафесіі, у Слоніме пачынаецца Тыдзень культуры. Традыцыйна, адкрыццём гэтага Тыдня, з’яўляецца III раённы фестываль славянскіх культур “Сяброўства без межаў”. На святочнай пляцоўцы, у гарадскім парку, сабраліся прадстаўнікі ўсіх дыяспар, пражываючых на гасціннай Слонімскай зямлі: беларусаў, рускіх, палякаў, украінцаў, цюркаў, цыган. Пачалося мерапрыемства ўрачыстым адкрыццём, а прадоўжылася на тэматычных падворках, дзе кожны з жыхароў і гасцей горада меў магчымасць пазнаёміцца з культурай, нацыянальнай кухняй, адзеннем, традыцыямі ўсіх этнічных груп. На працягу ўсяго мерапрыемства гучалі песні ўсіх народнасцей, ствараючы непаўторную атмасферу сапраўднага свята сяброўства, шчырасці, яднання ўсіх супольнасцей, якія пражываюць на Слонімскай зямлі! | |